肌膚測試DIY

前幾日貪得意買咗支肌膚水份計，除咗可以check吓濕度之外，仲可以check油份同皺紋，最重要係支棒棒只係百零蚊，用嚟試吓屋企D保濕產品功效有幾work，抵玩啦。

好，趁今日有時間，試吓先！

首先係洗乾淨塊面，等半個鐘⋯⋯

好彩都唔算太差:)

好，之後搽保濕水、精華、面霜⋯⋯再試

嘩，塊面即刻充滿光澤，不過水份都係差少少，睇嚟要加強保濕先得！

羊腩煲

天氣凍，老公話最好就係食羊腩煲暖吓身。咁複雜嘅嘢我就梗係唔識煮啦，所以唯有去買外賣羊腩煲啦！

好彩公司附近有X田超市，細盤（都大過個即食麵煲架）只係$145，仲跟埋腐乳醬，算係咁啦！大盤都係$168，不過屋企得兩個人食飯，買大盤咪食唔落其他嘅？

買多個外賣椒鹽蝦，買條菜，$210埋單，唔使煮餐死，輕輕鬆鬆咁就一餐，正！最緊要滿足到老公要求嘛！