學校出咗通告，要做親子手工拎去年宵義賣，題目係年花。
唉，親乜嘢子丫，咪即係叫家長做囉！
不過，我都好多年冇摺花喇，屋企又冇哂工具，唯有走去買過哂D手工紙呀、鐵線呀……仲上咗 Y●utu◆e 睇摺花教學短片！
原本諗住黐個花牌，仲整咗幾日架喇，後來發覺個效果唔match，要放棄。搞到最後一晚先還完基本步——摺一紮花！
完成品
係唔靚架喇，不過都未致於樣衰，算啦！不過，我真係好有衝動，叫老公去年宵攤位「買」返呢件「作品」返屋企囉orz
p.s. 本文題目係《功課花之一》，當然仲有二步曲啦，搵日再講
沒有留言:
張貼留言