圖書證

n咁多年前比人偷手袋 total loss，電話、身分證、回鄉卡、credit card、圖書證……乜都唔見哂。原本都諗住呢世都唔會再有機會去公共圖書館借書，所以一直都冇去報失 / 補領。點知為咗個拖咗幾年就嚟都死期嘅 final year project……

事源係阿 local tutor 比咗個書名我叫我睇完先做 project，我都冇諗住去借，諗去直接去買本書o架喇，點知上網一check……本書係1997年出版，市面早就冇得賣。唉，唯有上去圖書館網頁睇吓有冇呢本書啦，點知又有喎！

整定點都要去搞返張圖書證，再去搞預約借書 (因為馬鞍山同沙田都冇果本書，為免嘥車錢嘥時間自己晌書架搵，不如比錢做預約好過！)。

而家同十年前真係唔同咗！而家一張證可以借8本書，兩個星期睇8本，除非係漫畫書或者無字天書啦，如果唔係，兩個星期都冇乜可能睇得哂！哈哈！

等我的起心肝搞埋個 final year project，一定會帶阿仔去一次圖書館借書！