三吋

正所謂「打風唔成三日雨」，呢幾日三時兩刻就雷暴警告，仲要返放工時間落到倒水咁，真係有遮都死！

今日就嚟個let's get wet！有遮都盡濕——由頭濕到落腳、由面濕到落底！

衫濕褲濕冇辦法，唯有換過件外套同用風扇吹乾對腳（條褲濕到上大脾兼滴哂水orz）。好彩鞋濕咗可以換過對（公司有好多客送比我嘅鞋辦）。

不過好死唔死，今日公司補食中秋飯，唔想條褲又濕過，唯有著對高D嘅鞋落街啦。

真係著完即刻覺得自己高人一等XD

不過真係未試過著三吋高踭鞋，新鞋刮腳，加上本人體重，對腳堅痛到爆囉orz

唉，高踭鞋呢家嘢，都係同我唔夾㗎喇！