20140330黑雨下的家

今年雖然只係過咗三個月，但係天氣就反常到冇朋友！三月尾二一日，落大雨都不特止，仲要係黑雨加冰雹！呢場大雨加冰雹，仲要搞到地標又一城變成瀑布城、又一水上樂園！

又一城未出事之前、剛掛黃雨，我已經好擔心屋企D窗會唔會滲水（冇計，諗返之前間屋，一落雨就要攝毛巾，十號波仲要入哂水我就想死！），點知轉個頭，見到新X市X田盞天花燈開水喉，我就知道場雨一定落得勁。果然，前後都冇一個鐘，黃轉紅轉黑，得咗！我就趁老公shpping完，即刻要求返屋企檢查！

唔係華o同長o嘅樓真係唔同D，加上剛剛20年樓齡（比舊屋新10年），D窗同牆都抵得住黑雨，冇水入屋！老公仲笑我驚青，話而家呢度「實淨」過之前，不過一朝被蛇咬、十年怕草繩，佢唔係業主又點會驚丫orz

所以呢，買樓一定要睇發展商、睇樓齡；入屋一定要睇窗台位、渠位。幾百萬買層樓，買完仲要擔驚受怕就唔好啦！